E islanan mester inverti den poder di compra y tambe pa mehoracion di structura. Pero esey ta contradictorio si Hulanda inverti den miyones extra den poder di compra y desaroyo sostenibel pa e islanan BES. Esaki ta mustra tiki inhusto como un pueblo.
Ta mustra cu Hulanda kier purba di straf. Segun secretario di estado, Alexandra van Huffelen, esey ta loke nan no ta purba, pasobra nan ta forma parti di un solo reino. E preocupacionnan cu tin cerca tur e islanan, nan ta compronde.
E manera cu nan ta coopera, ta otro. E islanan BES ta forma parti di Hulanda y e cosnan cu ta conta pa Hulanda, tambe ta conta pa nan.
E otro islanan tin nan propio presupuesto y economia. Eynan tin un papel hopi importante, cu e finansa publico tanto riba Aruba, Corsou y Sint Maarten mester ta na ordo pa tin no solamente espacio awe, pero despues pa sigui ta inverti den cos cu ta importante.
Esey ta poder di compra, den caminda, den bon educacion, den cos cu ta bon regla. Pero e paisnan tin otro responsabilidad cu e islanan BES cu mas ta forma parti di Hulanda.
