Lider di AVP a yama e partidonan chikito “fly by night”, pero lider di Accion21 a contradeci. E partidonan “fly by night”, hunto a saca mas voto cu AVP den eleccion anterior.
Ta prome biaha den historia por mira e generacion nobo di politico cu a drenta den e ultimo eleccion, cada un di e politiconan ey cu tin mas cu mil voto ta pafo di e dos partidonan tradicional of e dos partidonan bieu. Segun Miguel Mansur, parlamentario, ni MEP ni AVP tin un politico nobo cu mas di mil voto. Esey ta un cambio basta historico.
E parlamentario a scucha Eman, kende e ta haya ta un persona agradabel. Mansur ta haya cu despues di Betico Croes, Eman por carga e titulo di miho campañado. E dos politiconan aki ta esunnan unico cu a alcansa diestres asiento. E unico politico cu a surpasa tabata Juancho Irausquin di PPA cu a yega diescinco asiento den Eilandsraad.
Di a scucha e version di historia, specialmente esun di RAft, e ta haya cu Eman. E ta haya cu ta importante pa duna mas informacion, pasobra ta historia selectivo di e trayecto financiero di Aruba. Eman a tira e partidonan “fly by night” bou di bus. Mansur ta kere cu e parlamentario a uza e termino “fly by night” pa sugeri cu nan no ta permanente, cu nan ta bay bin.
E realidad ta cu den e eleccion anterior MEP a binti mil voto, e “fly by night” a saca diesnuebe mil voto entre nan mientras AVP a saca diesocho mil voto. Ya caba ta na e situacion cu Eman a referi, unda cu “fly by night” tin mas voto cu AVP.
Pa loke ta RAft, Eman a bay riba LAft. Mansur a splica cu LAft a bin despues di 2014 pasobra Hulanda a pone KB riba e gobierno e tempo ey. Minister di Finansas mester baha ora implementa un KB. E ex-Minister di Finansas Juan David Yrausquin a tuma su retiro y e KB a bini, y nan a pasa a Landsverordening di e LAft.
Eman no a conta cu na 2009-2010, momento tabata prepara e Rft pa Corsou y St. Maarten, Hulanda a ofrece pa paga e debe di Aruba tambe. E tempo ey, 2009, Aruba su debe tabata di 2.2 biyon, mientras na 2010 e debe tabata na 2.4 biyon. Gabinete Mike Eman a tuma e decision di no acepta e kwijtschelding cu Hulanda a ofrece, pasobra nan kier mantene e control absoluto riba finansas publico.
Den punto di bista di Mansur, esey tabata un eror catastrofico. Pasobra a haya oportunidad pa limpia e debenan completamente si drenta Rft. Awo despues di hopi aña, wak unda Aruba ta. Ta den un situacion unda e Rft ta mas atractivo definitivamente cu keda pafo y paga strafrente.
Pa mas lesa TREMPAN.COM.
