Diasabra mainta e grupo cu ta maneha Bonaire Club a topa cu un situacion desagradabel. Ta trata aki di varios pintura riba muraya. Ta sospecha cu esaki ta acto di e hobennan baldadi den bario cu no tin nada otro di haci.
Recientemente a haci tur e murayanan limpi p’asina por verf nan bek. “Tipo di cos asina ta kibra bo”, un di nan a comenta na nos redaccion. El a continua bisando cu e cosnan aki ta pasa ora cu e mayornan no sa cu nan yiu ta riba caya pa haci malo.
Ta drecha e club den e bario p’asina e habitantenan por tin algo…pero e habitantenan mes ta caba cu ne. Ta pidi tur hende di e bario pa tira un bista y avisa ora cu nan wak hende drenta den e club.
No a forsa e candal pues ta sospecha cu lo a bula muraya pa comete e acto aki.
