E programa di estudio acredita desde 24 di Maart 2017 ‘Social work and Development’ a cumpli ya 10 aña y ta forma parti di e curiculo di Universidad di Aruba. Un programa di orientacion tanto profesional como di investigacion cu ta prepara e alumno pa traha den e tereno social, algo cu sigur tin un necesidad amplio na nos pais.
Un di e prome persona cu ta den su finalisacion di e cuater aña di estudio, ta Thalina Willems, e ta terminando su estudio di specialisacion den co-ouderschap na Aruba.
Despues di varios investigacion, Thalina Willems lo presenta y defende su afstudeer tesis. Un programa na unda entre otro ta desaroyando un plataforma online pa facilita e mayornan pa tuma e stap di un manera profesional y coordina pa co-ouderschap.
Michella Steenvoorde Lacle, como presidente di cie.Voortgezet Ouderschap y trekker di e proyecto di ley pa Plan di Mayor Obligatorio, a wordo acerca pa Thalina Willems, pa a traves di un charla na Universidad di Aruba, splica kico ta encera e Plan di Mayor Obligatorio, pero tambe pa splica over di e trabounan haci y esunnan pendiente.
“E programa ta constantemente den desaroyo pa e wordo mehora y ahusta na e temponan actual y sigur ta yuda den e formacion pa yuda capacita personanan na momento di implementa e co-ouderschap.” Michella, candidato 27 riba e lista di MEP ta enfatisa.
Michella ta orguyoso y agradecido na Thalina Willems pa e invitacion. Thalina, no ta desconoci den e ramo aki, ya cu e ta bin for di e area di recurso humano, na unda el a funciona cu un curason grandi pa comunidad y servicio publico. Un dama cu preserverancia, mama di dos yiu cu ta mira e necesidad di profesionalisa su mes pa yuda su pais.
Un di e puntonan di enfoke sigur di e Programa di Gobernacion di MEP, ta e evaluacion y introduccion di un Bachelors Degree Program amplio, den mas ramo di estudio cu Universidad di Aruba no ta ofrece. Ampliando e cantidad di facultad na Universidad di Aruba lo crea mas facilidad pa studia na Aruba mes.
“Enseñansa ta clave den formacion di un comunidad. Percurando pa cambio, adaptacion y creacion di diferente ley di enseñansa pa garantisa implementacion di PEN 2030, den consulta constante cu docentenan, lo ta e solucion”, Michella Steenvoorde Lacle ta termina enfatisando cu restructuracion ta e necesidad.
“Mi ta desea Thalina Willems hopi exito pa cu su Master y di curason mi portanan semper ta habri pa yuda na unda cu mi por. Exito!
Pa mas informacion tocante Plan di Mayor Obligatorio bishita e website www. http://www.michella.org of Facebook MichellaSteenvoordeLaclecandidato27MEP.
