Movementu Futuro Kòrsou (MFK), kier ekstendé palabranan di felisitashon i gradisimentu na Advent Hospital relashoná ku selebrashon di nan 48 aña di eksistensia ku ta selebrá riba e fecha 29 di mart 2018. Durante di e 48 añanan ku a transkurí staf i personal di Advent Hospital for di aña 1970 a demostrá ku por duna un kontribushon na salubridat di un forma humilde pero profeshonal.
Advent Hospital a konosé un kresementu den e lokalidatnan kaminda nan ta duna servisio na pueblo di Kòrsou, tur esaki apesar di diferente kontra tempu den mundu di salubridat i un kontrakshon ekonómiko ku ta afektando hinter nos pueblo.
Danki na kada un di bosnan ku ta laborá na Advent Hospital pa e servisio ekselente ku bosnan a bin ta duna na pueblo di Kòrsou i ku Todopoderoso bendishoná kada un di bosnan ku hopi aña mas di labor, pa di e forma ei Advent Hospital kontinuá komo un di hospitalnan ku pueblo di Kòrsou ta konfia pa nan tratamentu médiko.
Un biaha mas pabien na Staf i Personal di Advent Hospital, nos di MFK ta sumamente orguyoso di bosnan.
