Den su relato di awe Diadomingo 7 di januari 2018 pa 5:00pm, Servicio Meteorologico di Aruba (Meteo) ta informa cu den e siguiente oranan di anochi shelo lo ta levemente te parcialmente nubla y generalmente seco. Den marduga y dialuna e lo ta levemente te parcialmente nubla cu chens pa

un yobida pasahero local. Temperatura maximo 30 grado celsius y minimo 25 grado celsius.

Biento:

Biento lo ta modera te basta fuerte for di generalmente direccion oost cu forsa di 4 te 5 (20 te 39 km/ora, 11 te 21 nudo). Den dia fuerte te posiblemente duro den rafaga cu forsa entre 6 te 7 (40 te 61 km/ora, 22 te 33 nudo).

Situacion general di tempo:

Aire relativamente seco lo domina den region local y lo stroba desaroyo di nubianan cu ta produci awasero. Pa e motibo aki no ta spera awasero di importancia durante proximo 24 ora.

Condicion di lama:

Olanan di lama lo ta for di direccion oost cu haltura di 5 te 8 pia. E olanan di mas halto lo ta na costa noordwest di e isla. Ta pidi usuarionan di lama pa tene cuenta cu esaki. Temperatura di superficie di lama lo ta di 25 grado celsius.

Pronostico di tempo pa proximo dianan di siman:

Levemente te parcialmente nubla y generalmente seco. Biento lo ta for di direccion generalmente oost y modera te basta fuerte. Den dia fuerte te posiblemente duro den rafaga. Temperatura max / min lo ta: 30/25

Lo emiti e proximo boletin di tempo dialuna 8 di januari 2018 pa 5:00pm.

Comments

comments