Servicio Meteorologico di Aruba, METEO, ta informa cu awe nochi shelo lo ta parcialmente nubla y generalmente seco. Den marduga y mañan por spera basta nubia compaña pa awasero. Biento lo ta modera for di direccion oost, cu forsa 3 te 4 (12 te 30 km/ora, 7 te 16 nudo) den dia basta fuerte te fuerte den rafaga cu forsa 5 te 6 (31 te 50 km/ora, 17 te 27 nudo).
Situacion general di tempo pa e proximo 24 oranan:
Atmosfera ainda ta contene suficiente humedad y instabilidad pa temporalmente mas nubia forma riba nos region local durante e proximo 24 oranan. Localmente por spera algo di awasero cu chens ainda pa e bin compaña pa strena cu lamper. Localmente awasero por causa algun molester debi cu e suela ta satura.
Condicion maritimo/ estado di lama:
Ta spera un estado di lama generalmente modera den e proximo 24 oranan. Olanan lo ta for di oost entre 4 pa 6 pia. E olanan di mas halto lo ta na e areanan oost te noordwest di costa.
Tempo tropical significante:
Tormenta tropical Gamma tabata situa riba noord di peninsula di Yucatan y ta moviendo direccion noord. E sistema aki no ta un menasa pa region local. Di otro banda, tin un sistema tropical nr. 26 cu tabata situa zuid di Jamaica y ta moviendo den direccion west- noordwest. E no ta un peliger pa region local.
Pronostico di tempo pa proximo 3 dianan:
Shelo lo ta parcialmente nubla cu un awasero breve. Biento lo ta for di direccion oost y modera te basta fuerte. Temperatura max/min lo ta 33/28 grado Celsius.
