Un rato pasa algo prome cu 3:00pm a sosode un accidente cu tres auto envolvi na Sabana Liber. Ta den area di Wei Ming supermarket na Sabana Liber, net n’e t-kruising. E autonan envolvi ta un Nissan March color cora, un Honda color shinishi y un Toyota Celica color blanco, tur tres auto ta estilo RHD.
Locual ta remarcabel ta cu, e Celica a bay para mas of menos 50 meter leu di unda e accidente a tuma lugar. Probablemente velocidad a hung’un rol mirando e distancia cu e Celica a bay para y te hasta a basha cura di jn cas abou. Varios unidad di polis a presenta pa desvia trafico, investiga y cera e PD(plaats delict).
Brandweer y e materialenwagen a presenta mirando cu mester a corta e Celica pa rescata e dama chauffeur, na final a logra sac’e y transport’e pa hospital pa atencion medico. Mientrastando e señora den e March tambe tabatin mester atencion medico, e impacto tabata asina fuerte cu hasta e airbag di auto a sali.
Ta di remarca con e sincronisacion di tanto polis cu ambulance y brandweer a bay den un tempo record.
