Servicio Meteorologico Aruba (Meteo) a emiti un alerta pa biento duro y lama bastante bruto. E alerta a drenta na vigor desde awe merdia 12’or y lo tin efecto rond di Aruba.
Diferencia di presion den Caribe causa door di un area di presion halto riba oceano atlantico y un area di presion abou rnoord di Colombia lo percura pa biento fuerte te hopi duro. Por spera biento di 22 pa 25 nudo cu rafaga cu por alcansa 35 nudo (beaufort 8).
Como medida di precaucion, ta adverti usuarionan di lama, specialmente doñonan di boto chikito pa tene cuenta riba lama grandi y den area di costanan.
