Partido politico Movimiento Electoral di Pueblo (MEP) ayera a presenta na notario mr. Ralph Yarzagaray pa un fundacion nobo. A keda cla cu statutonan pa crea fundacion Formacion Politico Nelson Orlando Oduber.
Nel Oduber mes ta e fundado mientras cu Edgard Vrolijk ta e prome presidente, Hendrik Tevreden ta e secretario y Evelyn Wever-Croes ta tesorero.
E fundacion ta encarga cu organisa charlanan pa publico en general riba nos constitucion, e filosofia social democrata, trias
Politica, integridad etc.
Tambe e fundacion lo ta encarga cu cursonan pa prepara futuro candidatonan pa subi lista di MEP.
E organisacion politico ta gradici specialmente Edgard Vrolijk cu a trek e proyecto aki. Pronto directiva lo anuncia nan plannan.
