Medicina Regenerativa ta bon acepta na Aruba

Dr. Carlos Guerrero di Stemwell Colombia tabata na Aruba pa un charla informativo na MFA Paradera y tin cu menciona cu e publico a responde positivamente pa loke ta medicina regenerativa.

Mas cu 200 persona a haci acto di presencia na e charla aki, cual dr. Guerrero ta cataloga como hopi positivo. E charla tabata un exito total. E aceptacion di henter e pueblo di Aruba tabata magnifico. Tabata tin 3 pashent durante e charla cu a duna nan testimonio, kendenan a wordo trata na e clinica Stemwell y e publico por a interactua cu nan y conoce con e tratamento tabata, con nan a mehora, sin ningun tipo di interes diferente di e pashentnan aki pa e otro pashentnan beneficia y compronde perfectamente kico tabata e beneficio di e tratamento di stemcell na Bogota.

No solamente nan tabata tin oportunidad pa haci e charla dialuna ultimo. Nan a logra di tene reunion individual cu por lo menos 50 persona cu siguramente Stemwell por yuda resolve hopi problema di salud cu nan tin na e momentonan aki y cu ta dificil di soluciona.
No solamente na Aruba, sino cu ta dificil pa soluciona den cualkier luga di mundo. Pero cu medicina regenerativa y cu e tecnologia cu Stemwell tin, por mira resultadonan maraviyoso y nan por bay tin un bon salud despues di esey.

Buscando un solucion

Gran mayoria di e publico cu a presencia e charla, ta hendenan cu dolornan cronico cu ya a wordo trata for di e punto di bista di specialista, sea cu ta ortopedia, cirugia di columna, etc. Hopi di nan ya tabata tin operacionnan ripiti. Por supuesto nan no por sigui opera nan, pasobra ya no tin forma di sigui haciendo cirugia si ya sa cu no tin bon resultado.
Tur e pashentnan aki ta acercando Clinica Stemwell. Hopi otro tin problemanan neurologico degenerativo. Den cualkier luga na mundo cu no tin un solucion. No por haci nada mas pa nan.
Den e parti di medicina regenerativa semper tin posibilidad y e porta ta habri pa sigui mehorando. Tin algun di nan cu a keda tranca cu no por cana y no por drumi, no por haci actividadnan minimo. Loke cu Stemwell ta bay brinda ta un bienestar di un salud adecuado.

Hopi pregunta

Dr. Guerrero a menciona cu tabata tin hopi pregunta. Como cu tin hopi incertidumbre riba kico ta pasa despues di tratamento, algun di e preguntanan tabata kico ta saca, con efectivo e ta. En realidad, ni sikiera dr. Guerrero mester a contesta. E pashentnan cu a bin na e charla a contesta esaki, kendenan a bin cu nan resultadonan. Unico cos cu e pashentnan aki por a bisa cu nan tabata den un situacion di salud malo of precario y despues di poco tempo, nan a haya e resultadonan adecua.
En general dr. Guerrero ta hopi satisfecho cu e charla aki.

Falta di informacion

No solamente Aruba falta di informacion sino rond mundo. E ciencia aki ta cuminsa surgi. Dentro di e mesun grupo di medico, nan no conoce e procedura aki. Tin cu cuminsa educa hasta e dokternan pa nan compronde e tipo di medicina aki. No ta algo cu ta cuminsa competi cu e ortopedista of ciruhanonan. Ta algo cu ta yuda, segun dr. Guerrero. Dr. Guerrero ta specialista den cirugia di rudia, cirugia atroscopico. Esaki tabata pa dr. Guerrero un complemento ideal di e ehercisio di medicina, cual e por defini si e pashent tin mester di cirugia y no tin otro necesidad. Sin embargo si no haci un cirugia, tin otro alternativa. Tur esey ta wordo haci na e clinica mes.

Con pa yega na e clinica

E proceso ta simpel, segun dr. Guerrero. E informacion cu Stemwell a laga na Aruba, na e oportunidad eynan ta cla. Tin algun number di telefon cual por tuma contacto cu nan via WhatsApp. E comunicacionnan awendia ta universal. E ta hopi facil. Na e mesun momento cu manda un mensahe, dr. Howell ta hay’e of e departamento di coordinacion di pashent ta ricibi esaki. Si no a papia, por haci un video conferencia. Ta manda e testnan y historial di e pashent y ta haci e video conferencia. Una bes cu haya e OK cu nan ta candidato pa tratamento, inmediatamente ta activa henter un proceso di logistica por biaha pa Colombia.
E no ta sali mucho costoso. Tin tur e infrastructura di e clinica y tin convenio di e hotel, cual ta net dilanti di e clinica. Ta djis crusa caya, cual ta Avenida 116 y den 50 meter e hotel ta ubica caminda cu e pashentnan ta aloha. Habitualmente tin 2 of 3 persona, of pareha cu ta bin for di e isla.