Stern Automotive Enterprises ta presenta e Mazda CX-60 High nobo, un SUV cu ta combina e filosofia di diseño “Kodo Design” cu tecnologia avansa, comfort premium y eficiencia den conduci. E modelo ta destaca su presencia elegante, interior sofistica y un motor mehora pa ofrece un experiencia di maneho mas refina y economico.
Marc Thode, Assistant Sales Manager, a destaca cu e Mazda CX-60 High ta bin cu un diseño exterior impactante. Den parti dilanti ta haya su caracteristica grill Mazda, acompaña pa LED Head Lamps cu ta mehora visibilidad riba caminda, specialmente durante oranan di anochi. E modelo ta ekipa tambe cu reems di 20 inch den acabado silver, cu ta duna e SUV un aspecto deportivo y elegante. Ademas, e sistema di 360° Camera View ta facilita parkeer y maniobra den espacio chikito.
Un di e caracteristicanan mas practico ta su sistema di habri y cera automatico: solamente cu un movemento di lock, e vehiculo ta cera o habri automaticamente, ofreciendo comodidad y siguridad.
Den interior, e CX-60 High ta presenta un ambiente premium cu leather seats y un diseño espacioso. E cockpit ta moderno y funcional, cu acceso rapido n’e botonnan pa control di audio, telefon y sistema di stuur mientras bo ta maneha. E cluster completamente digital ta combina cu un pantaya central di 13.2 inch, cu ta inclui tecnologia di reconocimento facial. Esaki ta permiti cu e vehiculo ta reconoci su conductor, ahustando automaticamente e configuracionnan segun su preferencia y haltura.
E espacio central ta amplio y comodo, cu e compartimentonan practica pa storage y descanso di man durante biahe. Tur iluminacion interior ta LED, cu ta brinda un ambiente moderno y elegante.
Den parti tras di e vehiculo, e CX-60 High ta ofrece un espacio di carga amplio, capaz di contene varios maleta grandi y ekipahe adicional. E sistema di Side Cargo Net ta yuda mantene e articulonan chikito na su luga sin move durante cu ta maneha e vehiculo. Tambe tin clip di siguridad pa sigura carga mas grandi, y un net di privacidad cu por kita y pone pa un mayor discrecion.
Segun Michael Lake, mecanico responsabel di evaluacion tecnico, e motor di e CX-60 High ta un unidad di 4 cilindro cu 192 horsepower, cu sistema di direct injection pa un consumo di combustibel mas eficiente. E diseño di e motor, introduci originalmente den 2011, ta continua di ta actualisa y mehora constantemente, manteniendo un rendimento confiabel y moderno.
Stern Automotive Enterprises ta invita tur cliente pa pasa na Tanki Leendert pa conoce e Mazda CX-60 High di cerca y haci un test drive, pa experimenta personalmente su comfort, tecnologia y poder riba caminda.
