E caso di tiramento den Village, na San Nicolas, no a caba ainda. Y aparentemente mayornan di e “presunto” tirado a bin p’adilanti yena di disgusto y indicando cu nan yiu homber, conoci como “Prins”, no a tira na ningun momento.
Den un entrevista cu 24ora.com, e mama a denuncia cu a huzga su yiu cu el a los tiro den Village. Segun e mama, ta un tal “Gibi” a tira. E mama ta fada y cansa y kier biba un bida trankil, cu su yiu por tin un bida trankil tambe. E ta sinti cu demasiado hende ta mira y huzga nan. Nan no sa kico ta biba den curason di un mama of di un homber cu tin un yiu muhe. Awo su yiu tin cu sconde y esun mes cu a tira, no ta sconde. E ta cana liber, manera comosifuera nad’un pasa.
P’esey mes e mama a sali bin p’adilanti. E no ta tira piedra sconde man. Nan ta bisa cu ta Prins y cu nan a mira Prins tira, mientras cu di otro banda tin varios persona ta bisa cu ta Gibi a tira riba Prins.
E señora ta condena cu a drenta su cura di cas sin puntra prome y a pone luz riba dje. Tur loke e kier ta pa nan gara esun cu a tira y leumay huzga. Papia berdad. E yiu no por sigui sconde, pasobra e tambe tin yiu.
No ta husto den bida pa un hende mester sconde y e tirado mes ta cana rond, manera nad’un pasa. “Ora un hende haci malo, el a haci malo. Ta imposibel cu ta busca prins, bin na porta di cas di su mayornan, sin busca drechi ken a tira”, tabata palabranan di e mama.
“E biaha aki e no a haci malo”, segun e tata. “Busca esun cu a los bala. Tin testigo cu a mira ken a tira, ken a los bala. Tur loke nos kier ta pa e capitulo aki cera y gara esun cu a tira di berdad”.
