Taxista poco cansa a keda na pia diadomingo anochi despues cu polis a par’e den drive thru di Burger King na Paradera. Ta un rato caba cu a bati alarma pa un auto marca Toyota modelo Rav4 color shinishi, numera TX-307, e tabata core hopi malo riba caminda.
Ora polis a bay atende cu ne, berdad a nota cu e taxista tabata un poco cansa. Polis a splic’e riba e peliger cu e ta trece pa su mes y pa demas automobilista, el a compronde y a coopera rotundamente cu e agentenan.
Mirando cu el a coopera, polis no a deten’e, a dun’e un chens, pero si a dun’e un prohibicion pa stuur auto pa un cantidad di ora. Ora e pasa su wayaba, e por bin busca su rijbewijs bek na warda di polis na Playa. E auto a keda staciona den e parkeerplaats di Burger King.
