Mas atraco: A atraca Convenience Store na Paradera

723

Diabuebs madruga pa 1:22 central di polis ta haya un yamada cu  un atraco a tuma lugar na Shap Convenience Store na Paradera. Na yegada di e patruya por a compronde di esnan trahando den e lugar cu tres hende homber cara tapa y cu un arma di candela a drenta e lugar y a atracanan.

Nan a papia bon papiamento y a bay cu full un caha di cigaria. Tambe a bay cu e cartera di un di e trahadornan y e benta di e lugar. Loke ta e placa a bay cu e suma na mas of menos 2000 florin.

No por a wak si e atracadornan a huy na pia of den auto y ni den ki direccion a bay. Atraco team a presenta y tuma e investigacion over , tambe departamento di slachtofferhulp pa atende cu e trahador.  Cuerpo Policial ta pidi esnan cu a wak algo of sa algo yama tiplijn di polis cu ta 11141.