Diferente biaha parlamento a yama e minister aki aden. Presidente no ta ni worry cu peticion di oposicion. A pidi manera mas of menos 10 reunion publico y nada di e cosnan aki no a tuma luga.
Banda di esaki, por mira, no solamente e cifranan aki. Mester mira tambe entre otro e outlook cu Banco Central a presenta.
Algun siman atras tabata tin un discusion cu si e tabel ta bon of no. Awe e resultado ta mustra cu locual cu AVP a bin ta bisa cu akinan poder di compra a bay atras cu stapnan grandi, awe ta haya rason.
Ora cu mira Economic Outlook di Banco Central, ta bisa cu nos economia di 2018, ta den recesion.
Tin un crecemento di -0.5%. No tin crecemento. Atras nos ta bay. Esey ta e realidad cu nos tin. Despues di 1 aña di gabinete Evelyn Wever-Croes, Aruba ta den crisis. Un gabinete cu a haya economia di pais Aruba na 2.3%, awe tin’e na -0.5%. Esey ta e realidad
Un gabinete cu a haya un auto ta core, awe tin’e riba bloki. Esey ta e realidad cu e pueblo aki ta biba, keda sufri bao di e gobierno aki di MEP.
