Den Parlamento a tuma luga e reunion publico cu Minister Marisol Lopez-Tromp a pidi pa sigui trata su caso. E mandatario tabata cla pa contesta tur pregunta di Parlamentarionan den e di dos rond di e reunion di 31 di juli, cual a suspende. Lopez-Tromp a bin for di Hulanda e tempo ey cu intencion di bay prome y di dos rond, pero tambe riba e votacion di e mocion di confiansa.
Presidente di Parlamento a suspende e reunion y esaki lo sigui awe pa 2:00PM. E topico di e reunion ta mocion di desconfiansa contra Minister Lopez, pero Parlamentarionan tin di duna e puntonan si tin esaki of no. E Parlamentarionan tin di hustifica nan decision pa duna esaki. Durante e reunion algun Parlamentario di MEP a pidi e mandatario pa bin cu prueba di cua minister tin algo di corupcion.
Desde cu el a tuma over e cartera na februari, e mandatario a bin topa cu casonan basta grave, iregularidad, topiconan cu mester haci investigacion y el a splica esey den e reunion anterior. Nan a bis’e no ta papia di corupcion pero di desconfiansa.
El a presenta na e reunion aki pa tin un claridad, pasobra un minister no kier pa tin un tipo di mocion asina aki colga riba su cabes. Esaki ta prome bes cu e ta mira di no dicidi, manera antes y e biaha aki a dura 5 siman.
Shete minister a firma pa kita cartera di Lopez-Tromp, lidernan di fraccion a pidi pa e reunion y di cual e mandatario tin di defende. E reunion lo sigui pa 2:00PM, unda cu e mandatario kier un claridad y p’e por sigui haci su trabou.
