Marina Real cu entrenamento na San Nicolas

580

Marina real tabata tin entrenamento awe mainta. Segun Teniente van den Broek, kende ta e troepcommando, a splica cu nan tarea ta pa mantene e defensa riba e isla y con nan ta sostene esaki.

Nan ta haci’e den forma di un peloton, cu ta consisti di 30 persona y ta wordo entrena pa duna ayudo den casonan di rebelion. Awe nan a tene un training na San Nicolas. E training aki a realisa cu diferente partner. Segun van den Broek, a haci esaki cu polis, brandweer y ambulance. Semper ta tene tipo di entrenamento asina cu e partnernan den siguridad. Na momento di e opleiding, a pidi sosten di e partnernan aki, cual a haci e training aki posibel.

Entrenamento di Mariniers awemainta den cayanan di San Nicolas

Militarnan cu training grandi awe simulando un manifestacion violento den cayanan di San Nicolas

Posted by 24ora on Wednesday, April 18, 2018

Logistica y cooperacion

Pa loke ta logistica y cooperacion di e comerciante y habitantenan di San Nicolas ta importante. Pa e mariniernan ta un reto. Van de Broek a splica cu e habitantenan y habitantenan tabata dispuesto pa coopera den e entrenamento aki. Debi cu a haci tur cos rapidamente, a haci cu por a train mas cerca posibel di realidad. Durante e entrenamento aki, ta duna un ilustracion di e ayudo cu ta brinda kico nan mester haci durante rebelion, unda cu tin varios bringamento. Hunto cu polis y ambulance a logra haci esaki.

Satisfecho

Van den Broek a splica cu nan ta hopi satisfecho. Esaki tabata un momento unico pa por a train na San Nicolas. Na e manera aki ta yega cerca di e realidad y e ta completamente positivo, el a splica.