Marco Tromp a haci un intento pa sali liber di e acusacion di a participa den e plan pa likida un persona na Aruba. El a admiti tur e otro acusacionnan, manera posesion di arma di candela, municion y droga, pero a nenga e intento di likidacion. Despues di su condena di 10 aña den Corte di Prome Instancia, el a dicidi di apela esaki, pero Hof a yega na e mesun conclusion.
Durante tratamento di e caso, mas o menos un luna pasa, Tromp su abogado a papia cu e combersacionnan di chat niun caminda ta indica su participacion activo den e plan di likidacion y cu el a provee e arma necesario pa haci e trabou aki. Huesnan a analisa e diferente combersacionnan di Pineiro Ocando (e persona contracta pa haci e likidacion contra un pago di 10 mil florin); Nuto (e persona cu a duna e orden di likidacion y cu a haci e pago y a percura pa estadia den hotel di Pineiro Ocando) y Marco Tromp (esun kende a provee e arma di candela). Lesa e articulo completo den TREMPAN.
