Durante un conferencia di prensa parlamentario pa fraccion di MEP Marco Berlis a atende e topico riba un video cu ta circulando Facebook di parlamentario Miguel Mansur tocante “No more hotels”, segun e parlamentario ta señala: “Masha leuk mes cu den e video e (Miguel) ta para tras den parlamento, haciendo su betoog, pero ta kere cu ta hopi lamentabel, ta kere cu politica ta algo serio si kier haci un impacto positivo pa Aruba mester bira serio.”
Berlis a añadi: “Nos tin cu traha cu echo, trata cu evidencia, data, y no sinta grita locura djis pasobra nos kier laga gobierno mustra malo, nos kier impresiona pueblo pa asina gana voto, e (Miguel) ta papia, riba e tema di ‘no more hotels’ cu e gobierno aki a firma pa construi 5000 camber mas.
E politico a señala cu ta algo hopi lamentabel, na momento cu tin reunion publico y e dia anterior tawata tin un presentacion di Aruba Tourism Authority (ATA) den parlamento. E organisacion cu ta supervisa e mercado turistico di Aruba ATA a duna e presentacion den parlamento tocante e plan y factornan di e cantidad di camber cu ainda mester construi y cuanto camber di hotel gobierno a logra reduci.
E plan aki yama “Corporate Plan 2024”, Berlis ta señala cu durante e presentacion por a wak claramente cu Gobierno a logra reduci e cantidad for di 7000 peticion y ta menciona claramente cu peticionnan prome cu aña 2017. Segun e parlamentario: “Tawata sa caba cu ta gobierno di AVP a duna tur e cambernan aki na tur esunnan cu a ‘haci peticion’ pa esaki”. Si tawata tin 7000 camber prome cu aña 2017 pero por wak cu 2018 e ley di ROPV ta bisa caba cu a pone un ‘moratorio’ riba hotel y condominio nobo. Kiermen for di 2018 e ley di ROPV (Ruimtelijk ontwikkelingsplan met voorschriften) tawata adelanta caba promer cu tempo e mensahe di “no more hotels” y cu tin un ‘moratorio’ riba e sector aki.
E ley di e documento aki ta accesibel pa publico riba e website di www.dip.aw , Berlis a señala cu e documento ta publico y facil pa yega na dje.
E politico a indica cu Mansur no por duna ningun excuus tocante e presentacion di ATA cu tawata hopi cla, y cu ta duna cifranan totalmente contrario, ta subraya esaki den e documento di DIP (Directie Infrastructuur en Planning) cu ta reforsa tambe locual ATA a menciona.
Pa mas informacion, lesa TREMPAN.
