Ta parce manera hende a lubida, of kier haci manera nan no tin cuenta cu Dios,pero te ainda: IDOLATRIA, BRUHERIA, CONSULTA CU MORTO, ADORACION DI HENDE,FALTA DI PORDON, ORGUYO y tin tin hopi mas , den un palabra bisa tur locual ta pica ta lanta furia di Dios, pero tin cosnan cu hende ta haci cu ta provoca Dios su rabia.
Den Exodus Capitulo 32 ver 31-32-33 Beibel ta relata lo siguiente: E ora ey Moises a bolbe serca Señor y a bisa, Ai e pueblo aki a comete un pica grandi,nan a traha un dios di oro pa nan mes. Ma awor si ta Bo boluntad , pordona nan pica y si no pa fabor , kita mi for di bo buki cu bo a scirbi. Y Señor a bisa Moises Esun cu a haci pica contra mi ,esei lo mi kita for di Mi buki.( Tene cuenta cu e buki di bida) cu Moises tabata sa di su existencia).Na final di verso 34 Señor ta bisa lo mi castiga nan pa nan pica.
Awendia hopi hende a cambia e evangelio y ta presenta un Dios cu no ta rabia, un Dios cu no ta castiga, (cu ta pordona tur cos y esey ta berdad basta bo arepenti, entrega bo bida na Cristo Hesus y aparta for di maldad , y sigi biba den Su boluntad). Pero di otro banda satanas a corumpi mente di hende y pone cu hopi ta biba den un libertinahe extremo , hacienda tur locual cu nan kier y nan ta sperando bendicion di Dios.
Tur e paisnan caminda lidernan ta consulta Bruheria,Idolatria, y adoracion di hende , Dios ta saca tur cos na claridad y tur hende por mira cu no ta motibo di COVID-19 e pais ta den decadencia.Tur pais caminda tin adoracion di Defunto/ IDOLATRIA, eynan furia di Dios ta visible,no ta un asunto politico, maske cuanto gobierno cambia lo no tin Adelanto y mientras cu no bin un paro na Idolatria . Nos por wak kico Dios a bisa Josue den e buki di Josue Capitulo 1 vers 2 , mi siervo Moises a muri , awor lanta ariba pa crusa Jordan ,esey ta nifica cu Josue no tin nada di papia cu Moises, pasobra Moises ta morto, y Dios ta bibo, kier men cu Josue mester papia cu Dios, pasobra e mesun Dios cu tabata cu Moises ta awor cu Josue.
Den famia ora tata ta bebe of droga, of tin hopi muher riba caya, un bida di paranda, henter e famia ta sufri, pasobra e ta cabes di cas y si e ta cana robes e ta hinca su hogar den un direccion robes. Mesun cos cu ora lidernan di un Pais ta meti den Bruheria/Idolatria y Consulta cu Morto, cos ta stanca, Proyecto y vicion ta pega soño, pasobra scuridad a drenta.Violencia y crisis, criminalidad, divorcio, etc tur lo aumenta pasobra ta esey e spirito di morto ta trece.
Awor bo ta puntra bo mes kico nos kier spiertabo di dje. Aparta for di tur e cos nan ey, pasobra nan tabata tey prome cu COVID-19 y covid lo caba na nada den nomber di Jesus Cristo, pero e cosnan ariba menciona, lo keda existi y ta e cosnan ey ta lanta furia di Dios.Cuminsa haci bo cas y bo mente y bo matrimonio liber di tur locual ta idolatria, bruheria, saca tur locual no ta agrada Dios for di bo bida, cuminsa pordona, laga envidia y difamacion para un banda.
No tin condenacion pa esnan cu ta den Cristo, esnan cu ta cana den Spirito (Spirito Santo of cu Spirito di Dios y no den Carni pasobra ta e carni ta cana den Idolatria.( Romanos 8 vers 1-4 y vers 14,15 16. Sea prudente, bo ta avisa , ta tempo pa nos bay dilanti, ta tempo pa aparta for di tur locual ta stroba nos di sirbi Dios cu un curazon berdadero limpi y puro, den cual nos Fe ta bin na prome lugar y nos confiansa ta den Dios Todopoderoso, esun cu ta ariba tur cos y den tur cos, y no tin mas grandi cu Dios. Tur cos nos por den Cristo cu ta nos Fortaleza. Señor ta nos Dios.E ta fiel y berdadero.
