WOW Aruba, den e temporada dificil cu nos ta pasando aden desde maart di e aña aki, a reconoce esfuerso y maneho di Prome Minister mr. Evelyn Wever-Croes. Recientemente WOW Aruba a nombra nos Prome Minister como ‘IMPACTFUL WOMAN’ pa luna di September 2020.
WOW Aruba, Women empOwering Women, ta un organisacion funda na aña 2017 pa muhenan hoben y profesional, pa impacta e comunidad Arubano den diferente area. Un obhetivo di WOW Aruba ta pa duna bek na comunidad di Aruba pa medio di obranan caritativo.
Prome Minister a gradici WOW Aruba pa e reconocemento hopi importante aki den temponan crucial manera esun cu nos pais ta pasando aden. Alabes, Prome Minister ta expresa cu tur loke e ta haci desde prome dia di gobernacion di Gabinete Wever-Croes, ta na bienestar y progreso di nos pais. Y awo mas cu nunca e ta determina pa saca Aruba for di e situacion doloroso cu Covid a ocaciona na nos pueblo.
