Un feliz dia , yena cu bendicion ya cu miedo no tin dominio riba nos mas , pero e gracia ta yena nos bida y haci nos mas cu Vencedor.
Nos tin cu wak hopi bon kico nos ta papia, pasobra hopi biaha nos palabra nan por causa daño na nos mes y otronan. Palabra positivo ta alegra curazon, y palabra negativo,ta trece discucion.Pero hopi biaha nos mester coregi hende prome cu yena hende cu palabra positivo. Pasobra coreccion no por wordo aplica pa bo tin dominio riba un persona, pero coreccion ta wordo aplica, pa crecemento, pa un bon direccion y bon futuro.
Jeremias 15:19 Asina Señor ta bisa: Si bo bolbe e ora ey lo mi restorabo, lo bo para Mi dilanti: Y si bo separa locual ta precioso, for di loke ta sin balor, lo bo ta Mi bosero. Nan si por bini serca bo , mas abo no mester bay serca nan.
Ora nos ta papia nos mester tene na cuenta con nos ta hacie, pasobra palabra tin un influencia grandi riba bida di hende.Ora mandantarionan ta papia, nan mester tene cuenta e influencia cu nan palabra tin riba e pueblo, pasobra e pueblo ta scucha y saca conclusion y tuma decision. Especialmente cu e generacion moderno cu nos tin awor aki, nos mester ta masha cauteloso, cu expression bashi sin un contenido di crecemento.
Dios a bisa Jeremias cu pa e bira vocero di Dios e mester separa loke ta precioso, for di loke ta sin balor. Esey ta nifica wak bon kico bo ta papia, pone bo palabranan den balansa prome cu bo expresa, pasobra hopi biaha emocion ta causa daño, cu despues ta bira dificil pa repara.
Pa un hende bira desobediente, e ta cuminsa den su manera di papia, pero pa e bolbe bek na obedencia e mester arepenti di curazon.
Separacion di di locual ta precioso, for di locual ta sin balor, tambe ta sinta den un cambio di actitud y cambio di pensamento.
Mas ahinda e Palabra ta splika nos e separacion for di cosnan malo, y hendenan cu ta cana den caminda robes.
E palabra ta splika nos , cu nan tin cu bin serca bo, pasobra abo a cambia, y abo no tin nada di bay busca serca nan. Pasobra bo a sinja separa locual ta precioso for di loke ta sin balor.
Palabra malo, insulto, pleito, vengansa, ofensa,persigimiento,odio,falta di pordon,rebeldia,desobedecido na mayornan , etc tur esaki ta cosnan sin balor.
Y nos mester tene cuenta for di cual Plataforma esaki nan ta wordo lansa.
Como mayor bo mester wak bon kico bo ta papia den bo cas pasobra bo ta vocero di Dios den bo cas, abo tin cu papia locual ta precioso , separa tanto palabra malo, como actitud robez for bi bo bida.
Como mandatario bo mester wak pa bo emocion politico no surpasa e reponsabilidad cu bo tin pa guia e pueblo riba e bon caminda, di paz y trankilad.
Como pueblo laga cada palabra cu ta sali for di nos boca ta di bendicion pa e lugar caminda nos ta biba, pasobra locual nos proclama, nos lo mira sosode.
Si nos mes ta bisa cu nos no por, ta ken por yuda nos? Pero si nos tur lanta para y haci esfuerzo nos lo triunfa. Si nos uni Dios lo yuda nos , asina nos lo bira vocero di Señor.
