Gloria na Dios, y un feliz dia. Filipensenan 4 :16 .No preocupa pa nada: ma den tur cos pa medio di oracion y suplica cu gradicimento, laga boso peticion ta conoci dilanti di Dios.
Cual ta e balor cu gratitud tin den bo bida, con lew abo ta yega pa bo ta un persona agradecido?
E palabra gratitud ta wordo usa masha poco, pero gratitud ta un parti esencial di educacion.
Ora un persona ta agradecido bo ta sa for dual cas e ta bini, e a sinja esey serca su Mayor. Of nunca ningun hende no splike e balor di agradicimento.Pasobra tin un secreto den esey, cu esnan cu no conoce lo no disfruta di dje.
Ora nos pone un peticion dilanti di Dios, nos mester tin e confiansa di gradici sin mira e cos sosode, pasobra esey ta demostra nos FE den Dios.
Ora nos pidi algo na Señor nos por drumi trankil, sabiendo cu Dios a scucha y Dios ta fiel, esey ta demostracion di confiansa.
Ora nos yama riba Dios su nomber pa Dios interveni den un situacion, esey kiermen cu nos a pasa e asunto over pa Dios, y Dios lo ricibi tur honor y Gloria den e asunto ey.
Ora nos usa e nomber di Hesus, pa asina enfrenta e enemigo, nos ta hacie den e autoridad cu e a duna pa usa Su nomber, pasobra den Su nomber tin poder.
Ora nos yama riba e sanger di Crsito nos ta ,mustra confiansa y gradicimento, pa tur locual e por a haci pa nos na Cruz na Golgota.
Efesios 2:8 ta bisa cu pa gracia nos ta salba, kico ta gracia, esey ta nifica un favor no mereci, algo cu nos no merece, un regalo di Dios cu nos a hanja door di e sacrifiocio di Hesus na Cruz.
Y door di esaki nos por hiba un bida di gratitud na Dios, cual asina porta lo habri pa nos den tur sircumstancia.
Agradecido na Dios Elias a haci oracion y baha candela for di cielo.
Agradecido na Dios rey Ezequias a haña 15 anja mas di bida.
Agradecido na Dios , Hesus a parti 5 pan y 2 pisca y miles di hende a come.
Agradecido na Dios Hesus a lanta Lazaro for di Morto.
Esposonan mester ta agradecido na Dios pa nan esposa.
Esposanan mester ta agradecido na Dios pa nan esposo.
Mayornan mester ta agradecido na Dios pa nan yiunan.
Doño di trabao mester di ta agradecido na Dios pa su empleadonan.
Dicon? Pasobra tur locual bo kier mira prospera, gradici Dios pe.
Yama Dios danki pasobra un cambio ta na caminda.
No ta tur hende por acepta cambio, tin ta kere , cu semper cos lo keda mesun cos, den bida hende mester siña entrega, pa asina bo wordo bendiciona , y corda cu ora nos ta bay for di e mundo aki, nos no ta bay cu nada. Hopi biaha emocion y capricho ta pone nos lucha pornada, envez di entrega tur cos den man di Dios , duna Dios danki, y Dios mes lo haci e obra.
No tin ningun situacion cu ta imposibel pa Dios, basta nos yega serca dje cu un curazon yen di gratitud.
Dios bendiciona boso.
Pastor Marcel Balootje.
