Nos ta bibando den un mundo hopi materialista, un mundo caminda hende a perde tur clase di respet pa nan mes y pa otronan. Hende ya no kier ni comunica cu otro, y esaki e virus no tin falta, prome cu virus, ya nos conoce Crisis Social, pero e virus a habri tur porta pa mustra nos con profundo nos Crisis Social ta.
Hende ta biba pa nan mes,sin tene cuenta cu mayan, mucha ta wordo lanta sin Tata den cas, mucha ta yega cas un dia y bisa su mama e no kier bay scol mas, pasobra e ta sinti su mes mas homber cu maestro of maestra.
Mayor no por pone ordo, pasobra semper mayor a critica scol enbes di sali bay wak kico mucha ta haci na scol. Cuanto biaha un mucha ta robes , pasobra for di cas su educacion no ta suficiente pa e tempo cu nos ta biba den , pasobra tablet, Ipad, telefon, internet, PC,tv den camber,scooter, etc no ta educacion.
Educacion ta bini di e amor personal, y e tempo di oro cual un mayor personalmente ta duna na su yiu. Caminda un mayor ta interesa den su yiu, e ta coregi y e ta aplaudi. Prov 19 vers 18. Kico Beibel ta bisa di e boluntad di Dios pa nos bida, pasobra si un mayor no conoce e boluntad di Dios pa su bida personalmente, ta dificil pa e lanta su yiu den boluntad di Dios.
Y eynan nos ta cuminsa na e rais di Crisis Social, e falta di conocemnto di e Boluntad di Dios pa nos bida. Hopi hende ta usa un palabra moderno ‘PROPOSITO’ pa bo bida, pero pa bo yega na proposito pa bo bida bo tin di tene cuenta cu e boluntad di Dios pa bo bida y esaki ta locual Beibel ta siña nos cual ta e boluntad di Dios pa nos bida ,nos ta pone manera e ta scirbi:
1 TESALONICENCES 4 VERS 1-12. Finalmente anto, rumannan nos ta pidi y spierta boso den Señor Hesus pa mescos cu boso a siña di nos con boso mester cana y agrada Dios,(mescos cu boso ta cana awor) boso sobresali mas y mas. Pasobra boso sa ki mandamento nos a duna boso pa medio di Señor Hesus. Pasobra esaki ta e boluntad di Dios: Boso santificacion, esta pa boso abstene boso di inmoralidat sexual.
Pa cada un di boso sa con pa tene su mes curpa den santificacion y honor. No cu passion di deseonan carnal, manera e paganonan cu no conoce Dios. Y cu ningun hende no transgresa ni defrauda su ruman den nada, pasobra Señor ta e vengador den tur e cosnan aki, mescos cu nos tambe a bisa boso caba y a spierta boso. Pasobra Dios no a yama nos pa ta impuro, ma pa hiba un bida santo.Pesey esun cu rechasa esaki , no ta hende e ta rechasa, sino e Dios cu ta duna su Spirito Santo na boso,
Awor tocante amor na ruman, no tin mester di scirbi boso, pasobra ta Dios ta siña boso pa stima otro.Pasobra di berdad boso ta haci esaki cu tur e rumannan.Mas nos ta roga boso pa sobresali.mas y mas. Aspira pa biba un bida keto y pa atende boso mes cu boso mes asunto, y pa traha cu boso man, mescos cu nos a ordena boso. Pa boso por comporta boso decentemente pa cu esnan di pafo y pa boso no tin ningun necesidad.
Nos ningun no ta perfecto , pero lesando esaki, si bo ta mira si bo tin algo den bo bida, cu no ta cuadra cu e boluntad di Dios, tuma tempo dreche, pasobra cielo y tera lo pasa, pero e palabra di Dios lo no pasa. Dios no ta cambia , Dios no ta hende pa e gaña, Dios no ta politico, locual Dios bisa ta asina ta. Awor bo por lesa y mira cu bo mes wowo, ta na unda bo tin di pone ordo den bo cas , den bo Famia y den bo propio bida.
Bo tin algo di drecha, bo tin algun preocupacion, bo tin miedo, bo tin ansha, bo bibando den rivalidad,bo ta bao di stress.Awel mayoria ora bo tin e sintoma nan aki ta pasobra bo a lubida of bo no sa cual te boluntad di Dios pa bo bida. Dios ta misericordioso aserca Dios awe mes.
