Un minister cu no gusta para na su isla y asumi su responsabilidad ta causa mas bien un problema mas grandi. Den e Transporte Publico ta un desaster. Favoritismo y violacion di tur tipo di regla ta sosode tur dia. Esnan trahando como cordinador of supuesto conseheronan ta dicidi y haci e situacion den transporte uno pio. Loke ta pasando ta causando un problema na caminda pa confrontacion.
Competencia inhusto ta algo cu ta sosode. Mientras cu tin cantidad di persona sperando un chens pa gana nan pan como hulp chauffeur, tin otronan cu trabou den gobierno coriendo taxi riba abou. Esaki ta contra ley. Tin 7 Ambtenaar actualmente coriendo taxi como hulp chauffeur. Esaki ta loke awe Minister Chris Romero ta permiti y nan sa bon bon cu esaki no ta corecto. Te cu e siman cu a pasa esaki tabata e taxinan cu tabata ser cori pa hendenan trahando como ambtenaar. TX-123, TX-414, TX-7, TX-147, TX-247, TX-175 y tambe TX-174. Ta imposibel cu e numbernan di taxi aki cu nan hulp chauffeur ambtenaar a pasa conseho di minister y pone un stop na nan salario como empleado publico. Nan ta traha cobra placa di gobierno y core taxi contra tur regla. Tin hasta docente ta core taxi. Con un maestro di scol por bin duna les na tino 100% si e ta core mas ora taxi cu e ta para den klas pa duna les. Of como controlador di casino ta traha cora taxi y bin traha tur cansa den casino y asina no por traha drechi.
TX-87 ta e unico empleado publico legal cu a pasa conseho di minister pasobra su tata ta malo y a para su entrada pa un tempo como empleado publico y ta core e taxi di su tata. Varios hende cu trabou ta core taxi y stroba otronan di haya un job como hlup chauffeur. Ta hopi problema pa hendenan cu kier core haya un chens pa bira hulp. Loke ta pasando actualmente den DTP cu ta permiti tur e ambtenaarnan core taxi ta full contra ley. Hasta tin manera un konkelmento cu permisonan di taxi den DTP. Parce na DTP tin hende cu kier traha y drecha e problemanan aki pero nan ta sinti nan mes intimida. Hendenan den ministerio di Transporte cerca Chris Romero ta Intimida y tuma decision contra regla di Transporte Publico. Tin hopi ley di transporte cu no ta wordo respeta. Parce cu e director mes no por funciona. Taxistanan ta harta. Pirateria a bira un cancer y nada ta wordo haci. T y O ta haci trabou di taxi. Hasta tin Taxistanan cu autonan RHD. Si un turista baha na porta robez riba caminda for di RHD y auto dale riba caminda, nan lo demanda gobierno cu a permiti pa e RHD core riba caya como taxi.
Como taxi esaki ta un peliger. Taxistanan a busca atencion caba di parlamento. Tambe tin informacion cu awor nan kier bula cabes di Tito Thiel y pone un hurista trahando cu minister Chris Romero. Importante pa laga e hurista aki pasa un test di droga pasobra taxistanan tin informacion cu e ta usador di droga. Esun di TX-422 tin anjas sin core y tin negoshi lucartivo ta maneha y ta cobra tur luna pa huur su vergunning di taxi. Taxi TX-144 ta naci na Venezuela y a haya permiso di taxi for di Otmar den gobernacion anterior. E ta tata di e partner amigo ruman den negoshi cu Otmar Oduber. E ta traha den negoshi di imprenta y no ta core su taxi. Anjas e ta huur e taxi. El a huur e taxi mas cu e mes a core y traha cune desde cu el a haye. Ley ta bisa cu esun cu ta core taxi mester ta sin trabou. Awor ken cu ta ta core y hasta hende cu trabou y entrenan empleado publico.
Cu otro palabra e maneho ta un desaster total den Transporte Publico. Taxistanan ta mata nan curpa pa gana poco placa pa paga debe y cria famia. Aki tin ambtenaarnan ganando 4000 y 5000 caba di salario ta Sali despues di trabou bay core taxi mientras cu esaki no mag. Y ademas e lista di hulpchauffeur ta basta largo di hendenan cu no tin otro entrada of ta traha den gobierno cu sector priva. E disgusto ta grandi cerca e taxistanan cu ta cla pa protesta si gobierno mes no pone un fin na esaki.
