Fugitivonan Miguel Schneiders y Gerson Galsirio Martina ta keto bay busca pa husticia. Nan ta dos di e tres presonan cu den e ultimo lunanan a logra scapa sea di prizon KIA na Santo di Patia of for di Warda di Polis di Santa Cruz. Minister Andin Bikker lo bay den historia cu mas preso a logra huy den un tempo asina cortico. Pa colmo esun cu a scapa di Warda di Polis, condena pa asesinato, ainda ta figutivo di husticia.
E.O.E.F. LINDEBORG ta e prome fugitivo cu a huy for di KIA na Santo di Patia. Esaki a tuma luga dia 3 di mei, 2019. Varios pregunta a bin dilanti, manera kende(nan) a yud’e scapa y con el a logra burla di henter e sistema di siguridad di KIA pa scapa. Despues di Investigacion den KIA, a manda seis trahado cas pendiente investigacion. Dos di nan ta traha na CEA y cuater ta traha como bewaker di KIA. Ambos departamento mester garantisa pa preso no huy.
Schneiders condena di a tira un homber mata dilanti Olde Molen ta burla di autoridad desde dia 14 di juli na warda di polis Sta Cruz y awe Gerson Galsirio Martina, naci na Corsou, un criminal peligroso envolvi den atraco arma y conoci como un persona hopi violento. Ta urgi comunidad pa keda alerto pa cualkier movecion straño y pa tuma contacto cu Cuerpo Policial mes ora.
POLIS TA INFORMA CU CUALKIER AYUDO BRINDA NA DICHO PERSONA TA CASTIGABEL PA LEY.
Articulo 2:146 di nos codigo penal ta papia di esun cu libera of yuda na liberacion di un persona cu tin un castigo di prison ta castigabel cu maximo 4 aña di prison. Ta urgi pueblo di Aruba cu si por sa algo di su paradero of e sitio cu e ta scondiendo, por yama tiplijn 11141. Bo anonimidad ta wordo garantisa.
