Siman ta cera y habri cu atraconan tras di otro. Mainta, atardi, anochi y marduga ta atraco y mas atraco. Dialuna mainta 7or e siman a cuminsa cu un atraco riba un famia Chines cu tin tambe negoshi. Na Sero Blanco 47D e atraco a tuma lugar.
Dos homber papia spaño a drenta e cas cu arma den man. Pafo a keda warda un otro den auto cu a huy cu e atracadornan despues cu nan a caba den e cas. E atracadornan a mara henter e famia den nan cas.
Hasta uno Chines a keda herida y a bay hospital cu ambulance. Polis a cuminsa investigacion mesora hunto cu Atraco Team. A bay cu 10 Mil florin cash for di e cas. Presente a mira tambe Alto Comisario di Polis. E situacion e momentonan aki ta basta serio cu e asunto di atraconan. Pueblo ta biba preocupa cu tur loke ta pasando. Spera cu nan pone man riba e atracadornan. E famia Chines a pasa den un susto grandi. Asina tin mas famia trauma di tur e atraconan cu ta tumando lugar uno tras di otro sea den cas of negoshi.
