“E ta sinti manera un ‘New beginning” asina Erin a comenta. Na principio di e aña aki e emisora a realisa un inversion cuantioso den equipo nobo pa e transmisionan, computers, software upgrading, pa mehora nos calidad di programacion y transmission den aire. Despues cu e pandemia cu a hit economia mundial y local, gerencia a tuma e desicion di ahusta na e cambionan positivo pero necesario pa baha gasto primordialmente, pero preservando trabou di tur empleado. Un proceso cu a tuma sigur un 8 siman.
Apesar di a perde entrada manera tur compania, MAGIC FM a keda e radio mas solicita pa nos amigonan den comercio riba mercado, pues e emisora cu mayoria comercio ta scohe pa haci nan promocion.
Esaki danki na e dedicacion constante pero tambe esnan cu sa di marketing y cu sa e balor di nan inversion den e radio.
Ta un echo cu tin 90% di hende na Aruba cu ta sigui “Radio”, haciendo Radio un media cu tey pa keda pa hopi tempo mas. Combinando esaki cu bon contenido y social media, e tin derecho integral di existencia. “Magic FM ta fuerte den e sector comercial” y esaki no ta un secreto.
Loke ta trending na mundo y ta ser promovi na paisnan grandi tanto na Merca como Europa esta ‘working from home’, ta loke e emisora tambe a haci. MAGIC FM ta bay cu e trend nobo aki y kisas lo bira e new trend tambe pa otro sigui. Claro bou coordinaccion cu DTZ (Directie telecommunicatie zaken) y Standard communication cu ta esnan technicamente prepara pa por realisa e cambionan. Its Aruba tambe a realisa trabounan importante di internet y carga pa SETAR NV.
Trabounan a tuma lugar pa ubica e studio principal, esta e Main Studio lo na Oranjestad, mientras cu e Shownan lo ser transmiti enbibo for di Home Studios di cada locutor. Kiermeen cada locutor lo tin un pida ‘Magic’ na nan cas. Ya caba Dj Quality, Yeimy, Victor ta pioneronan di traha show for di nan cas. Awor DJ Vibes, Reno Irausquin, Campo, cada un lo bay live for di unda cu nan ta.
Esaki a bira e etapa nobo y era nobo cu e director Erin Croes a combersa di dje durante su shownan di mainta. Mas aleu lo tin adquisicionan nobo, manera fragmentonan nobo cu lo realsa e programacion di e radio mas ainda. “Bin bebe coffie serca mi”, na unda Erin lo combersa cu varios personahe interesante den su show mainta, topiconan di interes general. “Un sentimento mas casero, pero technologicamente avansa, esey nos kier crea y mi a traha un Home Studio profesional” segun Erin a conta.
Venezuelastraat, Oranjestad, ARUBA DC | Tel: (297) 586-0965 | Email: [email protected]
Nos lo keda mantene nos formula esta nos Business / Media model’ ta e “FPMC” Fresh Positive Motivational & Creative Entertainment, pues semper cu cosnan ( informacion) nobo, semper ta positivo y creativo. E participacion di e oyente magico diariamente ta keda central.
E idea primordial a bira: 1. Ahusta na e situacion nobo actual “Normal nobo” y baha gasto. 2. Personal ta safe na cas 3. Bay cu loke ta e trend nobo na mundo cual ta ‘working from home’ technicamente profesional 4. E chens pa traha for di bo cas cu ta un ‘different homey feeling’ pa cada locutor y of presentado 5. Upgrade mas tanto den technologia pa por ofrese na e cliente mas coverage, tanto riba Radio y Social Media Facebook y Instagram.
Gerencia di e emisora ta sumamente agradeci na tur cu a yuda pa nos a yega asina leu den nos cambion obo y importante.
