Casi 500 bishitante procedente di Merca a yega Aruba den e prome cinco vuelonan procedente di e pais aki diabierna den oranan di atardi.
Nan a yega for di diferente ciudad y a expresa en general di ta hopi contento di por a sali di nan pais y disfruta di algun dia di vakantie despues a pasa basta tempo den cuarentena.
Remarcabel tabata cu varios di esnan cu a yega awe, a bini demn grupo, o sea cu famia. Pero tambe ta un hecho cu no ta prome biaha cu nan ta yega Aruba. “We love Aruba,” un di e turistanan a comenta y a sigura cu nan lo tuma tur e medidanan di precaucion tanto pa nan mes como pa otronan rond di nan.
ATA y aeropuerto a percura pa salida, e turistanan a yega a wordo ricibi cu musica di steelband. Casi tur a bisa cu nan a yega di bini caba, y gusta pa ta na Aruba. Pero tambe cu e isla a haci un bon trabou den e temporada di crisis di coronavirus y cu nan ta sinti nan mes hopi sigur pa bishita Aruba.
E biahe mes tabata un experencia agradabel. Nan tabatin palabra elogio e forma con ta procesa e biaheronan na momento cu nan pasa door di aeropuerto.