E reunion a bay den bon ambiente y cu respet pa e Comision di Maestronan Preocupa. A trece diferente punto di atencion dilanti, den cual Minister di Husticia por yuda cu siguridad di maestronan na scol. Nan sa di documentonan existente pero cu no a wordo ehecuta y cu no ta na bienester di e maestronan. A dialoga hopi bon y a sinti cu Gobierno tabatin oido.
Comision di Maestronan Preocupa ta sigui cana hunto den forma positivo y ta sinti cu nan ta riba e bon caminda. A reuni cu Minister di Husticia mr. Andin Bikker. A haya e grato placer di por a conta cu presencia inespera di Minister di Enseñansa dr. Rudy Lampe tambe den e reunion.
A mustra ambos Minister e seriedad y cu e problemanan ta escalando unda maestronan no ta sinti nan mes sigur mas. Kier cambia e imagen negativo cu tin di docentenan den pueblo. Kier logra esaki door di informa kico tur ta ensera e trabao real di maestronan. A pone enfasis pa ora traha riba X proyectonan pa involucra e maestronan den veld.
“Samen zijn we sterk”. E unico meta di Comision di Maestronan Preocupa ta: E MAESTRO!
