E trustkantoornan C.T.F. (Aruba) N.V., Euro Trust International N.V., Orangefield (Aruba) N.V. y Intima Management N.V., tur tin permiso di trust for di Banco Central, a tuma nota cu ayera a tuma luga tratamento di un cambio den e ley di belasting den Parlamento. “Nos ta sorprendi cu ta bay trata un ley cu ta toca e tema di entre otro e Arubaanse Vrijgestelde Vennootschap (A.V.V.) y cu e sector financiero (atrobe) no a wordo consulta riba e tematica aki”, asina e companianan a vocifera awe.
Locual nan a informa y ilustra Parlamento y Gobierno ta cu e cambio relampago den e ley di belasting y cu efectividad retroactivo, lo tin consecuencia negativo pa Aruba. E sector financiero ta apoya tur esfuerso di Gobierno pa baha Aruba for di e lista preto pero lo desea cu esaki ta sosode na un manera transparente y responsabel.
Na mas cu un ocacion den pasado a solicita audencia cu Gobernantenan pa por informa mas di e sector AVV y con Aruba ta cumpliendo cu reglanan internacional.
Atrobe ta bolbe solicita un audencia cu Minister di Finansa y Minister di Husticia pa debati riba e tema aki, aunke cu e pasa e cambio den ley caba.
