Diabierna den careda di 9:45 pm un team special di control, Task Force, a pasa diferente localidad riba nos isla pa asina tira un bista riba permiso y tambe pa wak si nan ta atene nan mes na reglanan di DVG.
Na varios restaurant y barnan por a tuma nota cu nan tabata keda cera, entre otro pa permiso y of e green card cu e empleadonan mester tin pa traha. E localidad nobo aki den De la Sallestraat no tabata excepcion. Ta trata di Amsterdam, antes Tumazu, cu no tabata tin permiso pa opera e negoshi.
Polis a presenta pa asisti e Task Force y asina cera dicho localidad y saca tur hende afo. Tambe a avisa e doño di e localidad cu tanten cu su permisonan no ta regla, e no por habri e luga.
