Durante conferencia di prensa di Minister di Salud a trata diferente topico. Un di e topiconan tabata e positieve lijst, cual ta e lista di remedi. Pa loke ta e ley cu lo drenta na vigor entrante prome di october, e mandatario a indica cu ta bay cobra pa cierto remedi.
Riba e positieve lijst tin algun cambio. Dangui Oduber, minister di Salud, a elabora un tiki mas riba dje. El a bisa cu e positieve lijst ta algo inclui den e 5 wave model tambe ta remedi cu ta bay over e counter entrante prome di october. Ta trata di varios remedi. Ta trata di werkbaar stof cu tin diferente remedi cu e asegurado mes lo mester cubri. E mandatario a uza paracetamol como ehempel y a indica cu awo esey ta cubri pa AZV. E asegurado mes por cumpra esaki over e counter y ta hay’e na dos pa tres florin. Pero ora cu AZV cubri esaki na botica, nan ta paga casi diesseis florin. Esey ta basa n’e acuerdo cu tin di e recept regel vergoeding, unda a identifica algun miyon di florin di besparing.
Loading…
Reload document 
Open in new tab Oduber ta haya importante pa informa cu e aseguradonan cu tin enfermedad cronico (medisch chronisch ziek) lo mantene na tur momento acceso na nan remedinan. Pero nan lo mester haya verwijzing di nan specialista di e remedinan cu nan ta uza pa nan enfermedad sigui ta cubri. Gobierno a percura cu na momento e positieve lijst drenta na vigor, e grupo vulnerabel cu ta e grupo cu ta sufri di enfermedad cronico, cu tin e necesidad pa por mantene nan remedinan, sigui cu e acceso aki hayando un verwijs brief di specialista.
E mandatario a bisa cu e cambionan aki ta drenta na vigor dia prome di augustus, pero e PDF cu redaccion di 24ora a ricibi ta indica prome di october. A acerca e bureau dje mandatario riba esaki, kende a informa nos cu dia prome di augustus ta public’e pero dia prome di october e ta drenta na vigor.
Pa mas lesa TREMPAN.COM.
