Na momento cu Chris Romero, a drenta como minister, e no a haya nada di gobierno anterior. E ta kere cu responsabel lo tabata pa drenta y haya un dossier, maske cu e ta bisa con e situacion ta, kico ta e plannan cu nan tabata tin caba, pero tambe sugerencianan pa mehora esakinan. Lamentablemente no a haya esey. Den e siman cu ta biniendo aki ta kere sigur lo haci nan bishitanan. Si ripara caba, Romero ta bishitando diferente departamento y esaki ta bay continua. Asina e lo haya sa kico ta anda den cada un di nan.
Si nan tin nan ideanan, pero kier sa kico e realidad ta eyden prome. Su bishitanan a sigui diamars entre otro na Aruparking, caminda sigur tin retonan grandi pa haci eyden, pasobra actualmente, tin perdida eyden di casi 20 mil pa luna. Si e sigui den e direccion ey lo bira dificil pa cover esaki den futuro. Mester bin solucionnan mas lihe posibel.
Entre Aruparking y Arutram tambe, el a bay caba y ta kere cu un di e plannan sigur cu Minister Romero lo trece dilanti den e gobierno aki cu lo bay habri caya grandi. Lo bay habri caminda, lo bay tin orario cu auto lo por bay pasa eyden. Ta bezig cu un planning pa esey. Mester sa e schedule di e barconan tambe. No ta solamente cu tur luga stop di traha bo ta habri’e di 6’or pa anochi. E mester tin ora den dia tambe cu ora no tin barco, bo por habri’e. Mas tanto e tram ta traha ora tin turista ta move rond, etc. Segun e mandatario, una bes cu sa e schedule, pasobra bo por sa un paar di siman delanta cuanto barco ta bay drenta nos puerto. Una bes cu sa esaki, lo traha un schedule y ta bay habri e caya, caminda cu autonan por cuminsa pasa y asina trece un bida mas den Caya Betico Croes.
