Lisandro ta dirigi n’e comunidad di radio, locutornan, e directornan di programa, y henter e publico pa expresa su mas sincero y profundo gratitud p’e sosten extraordinario duna n’e cancion “PCM 2.”
E kier extende un reconocemento hopi special na Sami Ramírez, compositor di e obra aki, pa su talento y inspiracion den creacion di e piesa musical aki. Asina tambe ta expresa e gratitud na Apostel Ezequiel Anthony, den kende su studio di grabacion e produccion di e cancion aki a tuma luga, pa su dedicacion, profesionalismo, y sosten fundamental pa haci e proyecto aki un realidad.
Di mes manera, ta balora inmensamente tur e radio emisora internacional cu a habri nan portanan pa nan musica, permitiendo esaki pa transcende e fronteranan. Specifico, kier a expresa su gratitud na tur e radio emisora na Aruba, kende constante a toca, cu entusiasmo, y a duna e sosten local cu a resulta e pilarnan clave den e exito di e cancion aki.
E rol di radio como un brug cu ta conecta cu publico ta keda indispensabel. Danki pa scoge nos proposicion, pa agrega “PCM 2” na bo programacion diario, y pa ta un parti activo di e logro aki.
Na tur e oyentenan cu ta pidi y disfruta di e cancion tur dia, masha danki pa boso sosten y pa sintonisa!
Ta invita henter pueblo di Aruba pa pidi p’e cantica of scucha esaki via YouTube tambe.
