Minister di Deporte, Gerlien Croes, a expresa su profundo orguyo p’e atletanan di Aruba cu ta representa e bandera nacional den diferente disciplina deportivo na nivel internacional.
Croes a destaca cu cada medaya y cada logro deportivo ta representa hopi ora di entrenamento, preparacion intensivo, sacrificio, disciplina y perseverancia pa por alcansa resultado na nivel internacional.
E minister a probecha e ocasion pa gradici tur e atletanan pa nan dedicacion y pa representa Aruba cu dignidad y orguyo durante nan participacion den e competencianan internacional.
Ademas, Croes a reconoce e papel importante di e coachnan, e famianan y tur hende cu ta forma parti di e proceso deportivo y cu ta brinda sosten durante e caminda di cada atleta.
“Pabien cu boso logronan. Aruba ta orguyoso di boso”, tabata e mensahe di Minister Croes n’e atletanan cu ta hiba e nomber y bandera di Aruba n’e escenario internacional.
