Diasabra prome cu merdia miembronan di Aruba OHIL Club hunto cu representantenan di Scuba Caribe a sorprende nos grandinan di Maristella cu un dushi treat di fruta e.o. patia, appelsina y bacoba.
Den nomber di e club, su presidente Junior Arends a trece dilanti cu esaki ta un forma chikito pa e club di servicio cu cooperacion di Scuba Caribe demostra aprecio y atencion na nos grandinan cu a contribui grandemente na desaroyo di nos comunidad.
Personal di Huize Maristella a gradici Aruba One Happy Island Lions Club y Scuba Caribe pa e dushi treat saludabel pa nos grandinan cual sigur nan lo disfruta di dje. Tin yen di forma pa obra bon y esaki ta un di nan.
