Tin dos detencion relaciona cu investigacion riba un atraco cu a tuma lugar algun siman pasa. E detencion tabata diabierna den careda di 4or di marduga.
Atraco Team a haci un entrada hudicial na un cas na Hooiberg y a detene e homber Rubiano E. St. J. di 21 aña cu ta conoci di polis y e dama Rubiano, N.P.W. di 18 aña.
Esaki ta relaciona cu un atraco cu a tuma lugar banda di Casibari Rock Formation dia 31 juli 2019. Teniendo na cuenta cu tabata un atraco arma a haci uso di Team di Aresto pa detene e sospechosonan.
Tambe a confisca un Suzuki Jeep blanco cu a wordo usa pa comete e atraco. Un peticion na e pueblo cu por sa algo of a wak algo pa yama e tiplijn di polis cu ta 11141. Tur informacion ta importante pa kita criminalnan for di caminda.
