Colegio Arubano ta conoci pa a manda diferente reina fuerte y bon prepara den pasado l, pa participa den eleccion di reina di carnaval di Aruba. Aunke e ambiente di carnaval e ultimo añanan a bay un poco perdi, Colegio Arubano a anuncia cu nan t’ey bek.
Awe, diamars, durante pauze, riba e schoolplein rondona di e studiantenan, Tim Croes, rector di Colegio Arubano a corona nan reina hubenil. Esaki a keda den persona di e studiante Lindsey Zimmerman.
E team di docente lo traha hunto cu mayor y studiante pa prepara Lindsey pa e eleccion binidero di dia 13 di januari 2023.
Den pasado Colegio Arubano a yega di regresa scol cu corona di Reina di Carnaval, manera a sosode cu Rubinah Bernadina na aña 1996 y Dyantha Maduro na aña 2003.
Ta desea Lindsey y e otro participantenan tur clase di exito.