E retiro di ex-minister y actual parlamentario di MAS, Marisol Lopez-Tromp, a bay totalmente legitimo. No a haci uzo di maniobra politico pa retir’e di su posicion di trabou.
Minister Presidente mr. Evelyn Wever-Croes a splica cu Lopez-Tromp a retira su mes. Momento cu doño di trabou, hefe di trabou, yama e empleado pa papia pasobra tin un problema, ta core tres dia pa hefe y e ta den un crisis pa maneha e pais, e ora e mes ta esun cu a bisa di no ta interesa mas pa traha cu e Ministerraad. El a sigui informa cu no ta presenta na reunion y riba dje e tabata tin problema cu parlamento.
E ora e no por a sigui den e funcion ey. Retiro di Lopez-Tromp no tin nada di haber maniobra politico cu a tuma luga, pasobra e mes a retira su mes. Pa loke ta Thijsen, e mandatario a enfatisa cu nada a cambia. E carta cu a bay rond no ta uno nobo, pasobra e ta conoci. Thijsen a papia riba e carta durante conferencia di prensa. “Awo tin hende ta haci cu e ta un descubrimento masha grandi, pero no ta nada nobo”, segun e mandatario. “Tur cos a pasa caba”.
Nan a atende cu ne caba y e retiro ta legitimo. Lopez-Tromp a nenga di papia cu su persona no un dia pero tres dia, asina Wever-Croes a enfatisa. E ex-minister a nenga di presenta na Ministerraad y nenga di traha na un solucion. Esey a bira un werkbaar werk relatie, consecuentemente nan a retira Lopez-Tromp. Gobernador a mand’e pa parlamento, unda mayoria, legitimo, democratico y constitucional a sostene e retiro. Wever-Croes a reitera cu retiro di Lopez-Tromp no ta influencia nada e confiansa cu gobierno tin den Juan ‘Ady’ Thijsen y posibel nombramento.
Pa cobertura mas amplio, lesa e edicion di TREMPAN mañan.
