Dia 13 di october Joshua y Jourde Klaber a biaha pa Hulanda cu e meta pa participa den e Nederlandsche Kampioenschappen 2021 bou guia di ex-campeon mundial, coach olimpico y Hall of Fame Henk Meijer.
Despues di 1 luna na Hulanda, e rumannan Klaber a participa na e di 48 Open Dutch. Nan no a yega mas leu cu e prome rond.
Nan a train na Sidokwan cerca Larry Meijer na Hoogeveen, na Amersfoort cerca Giorgio Janmaat. Siman pasa nan tabata tin un Sparrings Kamp contra e atletanan for di Nordrhein Westfalen na Düsseldorf, Alemania. E siman cu a pasa nan a train na sportschool Koryo na Den Haag cerca di Manni Zareei. Aki nan a topa cu Rouel Baarh, kende tabata train na Impact Taekwondo di atleta olimpico Monica Pimentel.
Na Koryo Den Haag tin dos atleta for di Surinam ta train, Tosh van Dijk y Jair Jagroep. E meta di e rumannan Klaber ta pa ta den miho forma pa e Nederlandsche Kampioenschappen. Open Rosmalen ta nan proximo evento prome cu Nederlandsche Kampioenschappen. E siman aki e nan ta bek na Groningen cerca Sportsschool Henk Meijer.
