Den e situacion cu Aruba ta aden por spera cu criminalidad por aumenta. Loke por a constata cu e ladronnan sinembargo ta hortando cosnan cu no ta prome necesidad. Kisas esaki lo ta pa rebende e productonan aki.
Awe den oranan tempran di mainta propietarionan di Fung’s Supermarket na Noord a haya e sorpresa desagradabel cu delincuentenan a drenta den nan negoshi. Ainda ta averiguando kico tur nan por a bay cu ne, pero na prome bista a saca afo cu tin un cantidad grandi di paki di sigaria a disparce.
Momento cu e Manager a yega, no a nota nada inusual te ora cu a yega den e oficina. A mira cu tin blafon movi cu ta mustra cu hendenan a corta of ranca zink pa despues baha den e oficina. Eyden tabatin warda cantidad grandi di “slof” di sigaria. Ta calcula cu esaki tabatin un balor di 3 mil florin. Mucho placa efectivo no tabatin eyden, pero esey tambe nan a bay cu nan.
Te na momento cu a descubri e kiebro, no a saca afo ainda si nan a pasa bay den e supermercado mes tambe. Mester bay repasa tur e grabacionnan pa mira esaki.
Ta pidi si cualkier persona haya oferta di sigaria na prijs di baca flaco of sa algo di e caso aki, por yama e tiplijn 11141 y duna cualkier informacion cu ta dispone di dje. No ta conoci ki ora nan a drenta pero si e supermercado a cera te anochi.
