Headlines Group e cas editorial di 24ora.com y TREMPAN caminda nos artistanan local semper ta gosa di sosten pa asina yega na e comunidad cu nan produccion di mas nobo.
Chris Vroijk, artisticamente conoci bou di e nomber Krizs, ta habri 2021 cu un tema den un bachi nobo. E cancion Five more minutes ta bira e prome cancion di Krizs pero den un estilo tropical. A produci un video clip den un flow poco mas bailable pa e publico amante di esaki.
Krizs a conta nos cu e ta un tema existente, un cover, pero a haya e toke local (tropical) cu ta programa pa ta lansa riba 22 di maart, 2021 riba diferente plataforma digital. E produccion di e video tabata den man Dani Cruz. Teaser di e cancion ta den e articulo aki pa deleite di e publico. Ta invita tur hende pa ta pendiente riba e fecha di lansamento pa e cancion completo.
