Ayera 3 januari 2019 a tuma lugar e prome reunion cu tur Stakeholders involucra den Carnaval 65. Pa Cuerpo Policial Aruba, e Comisario encarga cu Polisnan uniforma, Irma Gordon, ta cla pa e temporada druk di carnaval. “Tur cos ta den man di SMAC pa carnaval 65, pero si tin algun problema of mester di sosten di Polis, nan lo ta para den banda pa brinda siguridad tanto pa e publico como tambe na participante” asina Comisario Gordon a enfatisa.
Cuerpo Policial Aruba tin su personal cla y prepara pa e periodo grandi y largo di Carnaval 65. Lo por sigui conta cu e sosten di Polis prome, durante y despues di Carnaval 65. Polis lo percura pa e orden publico y tin diferente unidadnan cla y prepara pa Parada di Flambeu diasabra awor.
Tene na cuenta cu “FAYA BO HAYA” ta na vigor durante Carnaval 65. “Si bo faya bo ta haya y ora ami tey, fiesta a caba, CERO tolerencia ta na vigor” tabata palabranan di Comisario Gordon. Ban hunto haci Carnaval 65 grandi, celebrando responsabel y consciente.
