Diahuebs tabata inscripcion di Prins y Pancho y Reinanan.Shelby Maduro, kende ta forma parti di e comision di reina di SMAC, a splica cunan a tene una nochi special pa e reinanan inscribi na oficina di SMAC.
Pero mas importante pa nan haya reglamento di eleccion di reina. Te awor aki tinvarios di e reinanan a pasa caba pa inscribi. Pero nan tin diferente deadline.Pa reina infantil y hubenil por inscribi te cu dia 10 di Januari y reina grandiy Mrs. Carnaval por inscribi te cu 17 di Januari.
Despues di esey lo sigui pa e parti di trekmento di lot. Revlon ta yudando SMAC den esaki y ta organisa e evento. Pero detaye di dia y ora lo bay bin cu esey despues.
Te awor aki tin 3 reina infantil inscribi, dos reina hubenil, dos reina grandi y un mrs. Carnaval.
Ta spera toch cu tin mas reina cu lo bin inscribi.
Normalmente tin custumber di wak den e eleccionnan di reina, pero door cu ta aña 65 di Carnaval, ta spera cu tin 5 pa 6 por inscribi pa cada categoria.
Casi tur aña EPI ta manda un reina grandi of un reina hubenil.Ta spera cu pa e aña aki tambe, tin mas scol of organisacion cu ta lanta, ofdistrictonan, por manda un reina e aña aki.
E invitacion ta bay pa esey. Tin hopi tempo ainda. Asina mesta spera cu tin mas inscripcion compara cu e añanan anterior, Maduro a splica por ultimo.
Final di anochi
Despues cu e inscripcion a cera diahuebs, a bin varios participante acerca pa loke ta trata e diferente eleccionnan cu tin. E inscripcionnan ta sigui te cu e deadline di 10 di Januari pa Infantil y Hubenil y dia 17 di Januari pa Reina Grandi y Señora Carnaval.
A base di esaki, SMAC a saca un comunicado di prensa, anunciando esaki como lo siguiente:
SMAC ta premira un eleccion di reina mahestoso pa Carnaval 65.
Diahuebs ultimo SMAC a haya e prome inscripcion oficial pa participa den eleccion di reina infanti, hubenil, grandi y señora carnaval 2018.
Te na e momentonan aki SMAC tin e participantenan aki confirma pa eleccion di reina di Carnaval 2019.
Reina Infantil 5 participante incluyendo Centro di bario Noord cu lo informa kende ta su reina despues di nan eleccion.
Don Flip – Yirelda Henriquez
EZ Party Solutions / Mini Royal – Evy-Camila van der Biezen
TOB Kids – Alyxienne Kock
Kids Champagne – Aliyah Harms
Reina Hubenil 4 participante:
Dushi Carnival Group – Ilaijah Croes
TOB – Ashantee Martus
Colegio San Antonio – Annais Thiel
Champagne – Delany Wever
Reina Grandi 3 participante:
TOB – Kiziah Trimon
Champagne – Daniella Pop
Empire – Jeanissa Maduro
Señora Carnaval 5 participante:
Majestic – Ivia Camacho-Angela
Champagne – Irma Hironimo
EPB San Nicolas – Rosalinda Williams-Ridderstaat
Colegio San Antonio – Zaira Hernandez
Empire – Clarissa Arrindell
SMAC kier a informa tambe cu e deadline pa inscripcion lo ta:
Reina Infantil/Hubenil: 10 di Januari 2019
Reina Grandi/Señora Carnaval: 17 di Januari 2019
E eleccionnan di Reina mes lo tuma lugar dia 19 di Januari (Infantil/Hubenil) y 24 di Januari (Grandi/Señora) na Harbour Arena.
