Cuerpo Policial a cuminsa intensiva nan controlnan riba cumplimento di e ley di ora di cierre durante e temporada di crisis Covid-19. A keda constata cu den fin di siman hopi hende ta subi caya y establecimentonan ta keda tuma chens y keda habri te cu 11’or.
A splica na diferente ocasion cu pa 11’or di anochi tur negoshi mester ta cera y ni empleadonan no por ta paden mas. Sinembargo den e fin di siman tras di lomba por a lesa diferente noticia di Polis cu mester a hala atencion di diferente comerciante y adverti otronan cu ta casi 11’or y ainda tin hende paden.
Diabierna anochi diferente unidad di “task force” consistiendo di KPA y DWKH a subi caya pa intensiva e control necesario relaciona cu maneho di e brote di Covid-19 na Aruba.
Banda di esaki a constata cu ainda tin hopi hende iresponsabel pa cu nan propio salud y pa cu salud di nan famia . Tambe a cera establecimento y duna multa na algun.
Luganan cu a cera y a haya multa ta: Chill Cafe a haya multa pa hende para na bar; Lekker Bar multa pa habri despues 23.00 y Cafe 080 multa pa habri despues 23.00
