Durante siman di polis e altocomisarionan di e region di Caribe, KMT, hunto cu e Team
Speciale Operaties (TSO) y otro departamentonan di Cuerpo Policial Aruba a haya un demostracion di e compania Paladius International LLC.
Na APA arena a presencia diferente platforma di drones (“Drone Platforms”).
E presentacion a enfoca riba e ultimo avance tecnologico den e mundo di drones y esnan presente por a haya un bista detaya di e capacidadnan operativo policial.
Durante e demostracion practico, e presentadornan a mustra con e dronesnan aki por ta uza pa mehora e siguridad como tambe e visibilidad durante e operacionnan di alto riesgo y e eficiencia den e trabao policial di cada dia.
E bishita aki ta resalta e compromiso continuo pa keda na altura di innovacion tecnologico cu por sirbi pa fortalece e trabou di mantencion di orden y siguridad publico.
