Dialuna pa 3:30 di mainta polis a bay na e tienda Style & Colors situa den Caya G.F. Betico Croes 79, pabou di Burger King, pa atende cu un caso di kiebro. E alarma a bay on y a drenta na e central di e compania di siguridad. Mes ora nan a manda un persona pa bay controla e tienda.
E personal di siguridad a mira cu e hekwerk dobla y hala, di biaha el a informa polis. Un polis a keda pafo pa controla y otro dos a bay paden pa controla. Nan no a topa cu niun henden den e tienda.
