Corte Comun di Caribe Hulandes (Hof) tambe a yega na e mesun conclusion cu Corte di Prome Instancia, esta cu mester condena e locutor Elvis Weert di Top 95 FM y presentado di Canal 22 (Kerido Oyente) p’e delitonan serio cu el a comete cu un mucha muhe menor di edad. Dia 18 di februari 2022, tabatin un sentencia di Corte di Prome Instancia contra dje y a haya un castigo di 9 aña cu e no tabata di acuerdo cu ne. A haya proba violacion, abuso sexual di un persona bou di 15 aña cu penetracion, abuso sexual di menor confia na su cuido, maltrato premedita (e abortus) di 19 di maart 2005 te prome di maart 2009.
Awo Hof a yega na practicamente e mesun decision. Nan a bisa cu ta tume na malo e sufrimento largo y grave cu el a causa e mucha cu tabata consider’e manera un tata. Cu e mes a haci e di dos abortus no ta solamente shocking sino tambe muestra di su desinteres total den su bienestar.
Segun Hof den su vonnis, e psicologo ta pinta un bista hopi scur di Elvis Weert. E no ta tuma responsabilidad pa su mesun comportamento y ta culpa otro hende di tur cos. E ta un narcisista cu rasgonan antisocial. E no ta un pedofiel sino un oportunista cu a abusa di e mucha pasobra e tabata un victima facil. E no ta wak consecuencianan di su actonan. Segun e psicologo, mester consider’e verminderd toerekeningsvatbaar. E ta calcula cu e chens pa ripiticion ta hopi halto. E conclusion di Hof ta cu e castigo di 9 aña di prizon ta na su luga y ta wanta na e mesun sentencia di Corte di Prome Instancia.
Pa relato mas amplio lesa e siguiente edicion di TREMPAN.
